I fahr ganz aloa durch d'Nacht auf da BAB 3
Von Hamburg nach München is weit und i schlaf scho fast ei
Drum fahr i auf an Rastplatz i brauch jetzt an starken Kaffee
Und wiar i grod wieda fahrn wui do siehg is an da Tankstelle steh

Sie schaut so verlorn aus drum sog i zu ihr steig doch ei
I fahr bis nach München und der Platz neben mir is no frei
Sie sogt sie war in Frankfurt - Frankfurt is o.k.
Doch jetzt wuis wieda hoam noch FFB
Noch FFB...

Ja sie wui wieda hoam
Ja sie wui wieda hoam
Ja sie wui so gern wieda hoam noch FFB
Sie wui so gern wieda hoam noch Fürstenfeldbruck

Sie schaut verdammt jung aus i schätz ungefähr 16 Joar
Sie hat so traurige Augn und schuiterlange strohblonde Hoar
Aus den Teenagerträumen vom ganz grossn Glück is nix worn
Und irgendwo unterwegs hod's wahrscheinlich ihr lächeln verlorn

I fahr mit ihr schweigend durch d'Nocht und schoit's Radio ei
Mit 180ge im Schnitt miaß ma boid scho in Ingolstadt sei
Doch kurz hinter Nürnberg im Nebl is plötzlich passiert
Ja i hob fast nix gseng und hob einfach vui z'spät reagiert
Vui z'spät reagiert...

Ja sie woit wieda hoam
Ja sie woit wieda hoam
Ja sie woit so gern wieda hoam noch FFB
Sie woit so gern wieda hoam noch Fürstenfeldbruck

Ja sie woit wieda hoam
Ja sie woit wieda hoam
Ja sie woit so gern wieda hoam noch FFB
Sie woit so gern wieda hoam noch Fürstenfeldbruck