BAP * KRISTALLNAACH
====================

Et kuett vuer, dat ich mein, dat jet klirrt,
dat sich irjendjet en mich verirrt,
e Jeraeusch, nit ens laut
manchmol klirrt et vertraut
selden su, dat mer't direkt durchschaut
Mer weed wach, rief die Aure und sieht
en'nem Bild zweschen Brueghel und Bosch
kei Minsch, dae om Sirene jet jitt
weil Entwarnung nur half su vill koss
et'ruesch noh Kristallnaach

En der Ruhe vuer'm Sturm wat ess dat?
Janz klammheimlich verloess wer die Stadt.
Honratioren incognito
hasten vorbei,
offiziell sinn die nit jaehn dobei,
wenn die Volksseele - allzeit bereit
Richtung Siedepunkt wuetet un schreit
"Heil - Halali" un grenzenlos geil
noh Vergeltung bruellt, zitternd vor Neid
in der Kristallnaach

Doch die alles wat anders ess stuehrt,
die mem Strom schwemme, wie't sich jehuehrt,
fuer die Schwule Verbrecher sinn,
Auslaender Aussatz sinn
bruchen wer, der se verfuehrt.
Un dann rettet kein Kavallerie,
keine Zorro koemmert sich dodromm.
Dae piss hoechstens e "Z" en der Schnie
un faellt lallend vuer Laessigkeit oem:
"Na un? - Kristallnaach!"

En der Kirch met dae Franz Kafka-Uhr,
ohne Zeiger, mit Striche drop nur
liesst ne Blinde nem Taube
Strubbelpeter vuer
hinger dreifach verriejelter Duer
Un dae Waechter mem Schluesselbund haellt
sich em Aehnz fuer jet wie em Jenie,
weil`er Auswege pulverisiert
und verkaeuf jaejen Klaustrophobie
en der Kristallnaach.

Waehrenddessen, am Maatplatz vielleich,
unmaskiert, hueck mem wohre Jeseech,
sammelt Stein, schlief et Mezz
op die die schon verpezz
probt da Lynch-Mob fuer't juengste Jereech.
Un zum Laade nur fluechtig vertaeut
die Galeeren stonn laengs unger Dampf
weet em Hafe op Sklaven jewaat,
op dae Schrott uss daemm ungleiche Kampf
uss der Kristallnaach

Do, wo Darwin fuer alles herhaellt,
ob mer Minsche verdriev oder quaelt,
do, wo hinger Macht jeld ess,
wo stark sinn die Welt ess,
vun Kusche un Strammstonn entstellt.
Wo mer Hymnen om Kamm sujar bloess
en barbarischer Gier noh Profit
"Hosianna" und "Kreuzigt ihn" roef,
wemmer irjend ne Vorteil drin  sieht
ess taeglich Kristallnaach


(c) by BAP


=================
www.club-chantal.com
07.01.1994