WOLFGANG AMBROS * DER HOFER
=============================

"Schau, da liegt a Leich im Rinnsal,
's Bluat rinnt in' Kanal!"
"Heast, des is makaber:
Da liegt ja a Kadaver!"
"Wer is denn des, kennst du den?"
"Bei dem zerschnittnen Gsicht kann i des net sehn."  
"Der Hofer war's, vom Zwanzgerhaus!
Des schaut mir so verdaechtig aus!
Der Hofer hat an Anfall kriagt
und hat die Leich da massakriert!"  
Da geht a Raunen durch die Leut,
und a jeder hat sei Freud.
Der Hofer war's, der Suendenbock!
Der Hofer, den was kaner mog.  
Und der Haufen bewegt si viere
hin zum Hofer seiner Tuere.
Da schrein die Leut: "Kumm ausser, Moerder!
Aus is' heut!"  
 
"Geh, mach auf die Tuer!
Heut is' aus mit dir!
Weil fuer dei Verbrechen muss jetzt zahln!"
"Geh, kumm ausser da!
Mir drahn dir d'Gurgel a!
Du hast kane Freund, die da d'Stangen halten!"  
 
"Meuchelmoerder, Leichenschinder!
D'Justiz war heute g'schwinder
als was d'glaubst!"
"Also, Hofer, kommen's raus!"  
 
Und sie pumpern an die Tuer
und sie machen an Krawall alswia,
und sie tretatn's aa glatt ei,
taet die Hausmeisterin net sei.
Die sagt: "Was is denn, meine Herrn?
Tun S' mir doch den Hausfrieden nicht stoer'n!
Denn eines weiss ich ganz gewiss,
dass die Leich
der Hofer is!"