Ich hab da was aus der Frankenpost ausgeschnitten, dass ich Euch
auf
keinen Fall vorenthalten möchte. Ich hab mich echt schief gelacht,
ich
hoffe, auch Euch bringt es a bisserl zum schmunzeln...;)
Siem Stund "Parzifal"
Mei Nachber Ludwich hot zer san Dienstjubiläum von der Firma zwa
Kartn
fir die Bareither Festspill gricht - an sowoss kimmt a gewehnlicher
Sterblicher ja net no,heggstns aufïna Schwarzmarkt. Obber do zohlt
mer
a scheens poor Pfäng, fir dess Geld konnst mit deiner Oltn gleich
zwa
Wochn af Mallorca fohrn.
Obber der Ludwich hot's im Kreiz - und do koär kana siem Stundn
ban
"Parzifal" hockn. Also hatär Ärbertskolleeng g'frocht, ob'sa fir
ihn
nooch Bayreith wolln, obber die hamm abgewunkn. So lang, hamm'sa
olla
g'socht, kenna'sa net almoll im Bierzelt hockn, wenn die
Pilmerschraather spilln - und do ko'mer zwischendarch schunkln und
auf
die Tisch und Bänk nauf.
So hamm mei Martha und ich unner bests Zeich nogewercht und sänn
aufïna
Griena Hiegl nooch Bareith nunter.
Bei dreissich Grod im Schattn iss uns die Brieh scho hintn und vorn
rogeloffn, bevor'mer ieberhabst auf denner enga Sitz g'sessn sänn.
Fast siem Stund hot's gedauert - Leitla, fast siem Stund!!
Gottseidank wor neber mir a Fraa, die woss fortner miteran Fächer
gewedlt hot - do hob ich man Kopf immer mit niebergedreht, damit
ich
aweng von den Liftla derwischt hob.
Af zerletzt iss der "Parzifal" fei elend lang worrn, do hot'er sich
g'streckt. Do worrn sa zern Sterbm fei schon am Bodn geleegn - und
hamm
g'sunga, g'sunga, g'sunga...
(Aus der Frankenpost vom 19.August 1994, abgetippt von Tanja Reul.)
OLX 2.1 TD Man muss Gott für alles danken, auch für einen
Franken:))
--- SuperQWK 1.17-3 (Eval)
* Origin: LONG LEGS BBS * WHEN A MAIL LOVES A WOMAIL (260:260/0)
http://www.club-chantal.com